| ► | ديسمبر 2011 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
الكلمة جباره
بتلسع قلب اللي يفهمها
وتحمي اللي يتحكم في أوصالها
وتجرح كل إنسان يفتكرها رساله واجبه يوصلها
الكلمه سناره
طُعمها منها فيها مش منا
بتصيدنا .. توجهنا .. تفرحنا .. تألمنا
واحنا بعباطه بنروح وراها فين ما ترسي لنا
الكلمه مطاطه
بتسعدنا للحظه وتشقينا من غير ملاحظه
وإن لاحظنا .. لازم نخفاف من فظاظه
وننحني .. منحاولش نقول لماذا
والهم يبتلينا .. والجرح يسري فينا كأنه غرغرينا
الكلمه شعنونه
ساعه نلاقيقيها رقيقه .. وساعات كتير مجنونه
وساعات ما بيأثرش فيها الوجع
بتوصل للي يسمع .. واللي يسمع من غير سمع
كأنها هوا .. أو نغمه حروفها معجونه بدلع
الكلمه
أعظم شئ في الدنيا
بيها لا بد نفهم ونتعلم .. بيها لا بد نعرف ونتكلم
ونقول الصح صح .. والحق حق
والبادي بالشر أظلم
نفسي يا نفسي .. أحبك بجد
وأكون البريمو ومفيش تاني حد
أنول الأماني وأصف الأغاني
وما يبعدش فرحي مليون ألف سد
***
نفسي يا نفسي .. أغني الأغاني
وأحلم معاها ومعاكي بأماني
أغمض عيوني .. واريح جفوني
وأمرح في بحر الحنان والود
***
نفسي يا نفسي .. راياتك ترفرف
وأقول جوه نفسي وقلبي بيرجف
بحبك يا غاليه .. يا حبة عنيه
يا ساكنه الوريد والفؤاد للأبد
***
نفسي يا نفسي .. أشوفك في برجك
عاليه وعلاكي .. واصل سماكي
لا حد زيك .. ولا حد قدك
ولو حد مسك أكون أعتى ند
***
نفسي يا نفسي .. تنولي المنايا
وربي يصونك .. تحمي البرايا
وتبقي الكبيره يا أعظم أميره
أيام عمري
قبلك كانت أيام عمري .. مجرد أيام
ساعة تعدي .. وساعة تهدي .. وساعات تجري ما نعرف كام
وأما قابلت عيونك دقوا .. دقات قلبي بلحن جميل
خلوا ثواني العمر اشتقوا .. من لحظاتهم عمر طويل
حسيت عمري الفايت عدى .. ما عشتش لحظة شوق وحنين
وناديت قمري خدنى وودى .. وحير سهري مابين أمرين
آه من قسوة أيامي المره .. وكاسات صبري ودمع العين
ياه .. فرق كبير بين صمت مشاعري وفرحة قلبي بشوق وحنين
حابب ترجع تاني يا قلبي تدق .. طب دق
بس اتعلم من اللي جرحني أنا وأنت زمان
شوف إزاي كان حالنا معاه
ويا ما حلمنا .. بأحلى حياه
كانت شمس هوانا بتتشوق له وتستناه
وقمر ليلنا ليلاتي يجيلنا بعطر هواه
نسهر ليله .. ونغني له
بأحلى كلام ممكن نلقاه
كانت فرحت عمرنا فيه
ليلنا نهارنا وكل مدارنا عايشين ليه
كان البسمة .. وأطيب نسمه
وهمس الفرحه بيضوي بضي عنيه
وكنا البلسم اللي يداوي لو يتألم
ولا نتكلم لو في كلامنا شيء بيألم
وبنتمنى الرضا لو يرضى
بكل الود معاه نتكلم
وبكل الغالي ليه نتقدم
بنبض القلب ..وروح الروح
ونن العين ولا يوم نتدم
كان المعنى .. والمضمون
وحلم حياتنا في كل الكون
أنا إنسان
رقيق الحس
كلامي همس
أقول الكلمة من قلبي
يادوب تلمس لساني لمس
وأنا عاشق
وقلبي في الهوى صادق
